काठमाडौं । बिमा समितिको अध्यक्षमा डा.रविन्द्र घिमिरे नियुक्त भएका छन् । विहिबार बसेको मन्त्रीपरिषद् बैठकले घिमिरेलाई समितिको अध्यक्षमा नियुक्त गरेको हो । घिमिरे पोखरा विश्वविद्यालयका प्राध्यापक समेत हुन् । अर्थमन्त्रालयका अनुसार घिमिरेलाई समितिको अध्यक्षको जिम्मेवारी दिने मन्त्रीपरिषद्ले निर्णय गरेको हो ।
यसअघि अर्थमन्त्री तथा उपप्रधानमन्त्री कृष्णबहादुर महराले डा.घिमिरेसहित ३ जना अन्य व्यक्तिको नाम समितिको अध्यक्षका लागि बैठकमा सिफासिर गरेका एि । घिमिरेले बीमा विषयमा विद्यावारिधी गरेका छन् ।
यसअघि विभिन्न व्यक्तिहरु बिमा समितिको अध्यक्ष बन्ने होडमा शक्तिकेन्द्र धाइरहेका थिए । यही पुस ७ गते दोहोर्याएर ८ वर्षे कार्यकाल पुरा गरी डा. फत्तबहादुर केसी बाहिरिएपछि बीमा समितिको अध्यक्ष पद रिक्त रहेको थियो ।
लेखकको बारेमा
प्रतिक्रिया