काठमाडौं । राष्ट्रिय बाणिज्य बैंक र एनआइडिसि डेभलपमेन्ट बैंक मर्ज हुने निश्चित भएको छ । आगामी बस्ने मन्त्रीपरिषद् बैठकले दुवै सरकारी बैंकलाई मर्ज गर्ने निर्णय गर्नेछ । पटक पटक यी दुई सरकारी बैंकविच मर्जका कुराहरु बाहिर आएपनि अझैसम्म एक आपसमा मर्ज हुन सकेका छैनन् ।
उपप्रधान तथा अर्थमन्त्री कृष्णबहादुर महराले दुवै सरकारी स्वामित्वका बैंकहरु मर्जर गर्ने मन्त्रालयको प्रस्तावमा आफूले हस्ताक्षर गरिसकेको बताए ।
सोमबार राष्ट्रिय बाणिज्य बैंकको ५२ औ बार्षिकोत्सवको अवसरमा बोल्दै अर्थमन्त्री महराले भने, ‘आगामी बस्ने मन्त्रीपरिषद्को बैठकले राष्ट्रिय बाणिज्य बैंक र एनआइडिसि डेभलपमेन्ट बैंकविच मर्जर गर्ने निर्णय गर्ने छ ।‘
उपप्रधानमन्त्री महराले दुवै बैंकहरुविचको मर्जर प्रकृया अन्तिम चरणमा पुगेको पनि जानकारी दिए । उनले दुवै बैंक सरकारको पूर्ण स्वामित्वमा रहेको र एनआइडिसि बाणिज्य बैंकमा मर्ज गराएर बाणिज्य बैंकलाई अझ शसक्त्त रुपमा अगाडी बढाउन लागिएको बताए ।
लेखकको बारेमा
प्रतिक्रिया