काठमाडौं । स्ट्यान्डर्ड चाटर्ड बैंक नेपालको एफपीओ तत्कालको लागि रोकिएको छ । बैंकको मंगलबार बसेको सञ्चालक समितिले तत्काल एफपीओ जारी नगर्न व्यवस्थापनलाई निर्देशन दिएको हो ।
सेयर बजार ओरालो लागेको र बजारमा तरलता अभावका कारण तत्काल एफपीओ जारी नगर्ने सञ्चालक समितिले निर्णय गरेको छ । बैंकले १२ सय ९० रुपैयाँका दरले एफपीओ निष्कासन गर्न सोमबार मात्र नेपाल धितोपत्र बोर्डबाट अनुमति पाएको थियो ।
बैंकले प्रिमियम मूल्यमा २५ लाख ५८ हजार १४० कित्ता सेयर जारी गर्न लागेको थियो । बैंकले १०० रुपैयाँ अंकित दरको सेयरमा ११ सय ९० रुपैयाँ प्रिमियम थप गरी अतिरिक्त जारी गर्न लागेको थियो । धितोपत्र बोर्डले पनि स्वीकृति दिइएसकेको ले केही दिन भित्र नै एफपीओ निष्कासनको तयारीमा बैंक रहेको थियो । अब केही समयका लागि सो एफपीओ निष्कासन स्थगित भएको छ ।
लेखकको बारेमा
प्रतिक्रिया