काठमाडौं । राष्ट्रिय पुनर्निर्माण प्राधिकरणले भूकम्प अति प्रभावित १४ जिल्लाका ९६ प्रतिशतलाई निजी आवास पुननिर्माणका लागि पहिलो किस्ता वितरण गरिसकेको छ ।
अनुदान सम्झौता सम्पन्न भएका ५ लाख ५४ हजार ६ सय १४ घरधुरी मध्ये ५ लाख ३३ हजार ६ सय ९१ घरधुरीलाई पहिलो किस्ता दिइएको पुननिर्माण प्राधिकरणले जानकारी दिएको छ ।
मंगवार सम्मको अनुदान बितरण प्रगति अनुसार काठमाडाँै उपत्यकाका तीन जिल्ला बाहेक भूकम्प अति प्रभावित ११ जिल्लामा ९८ प्रतिशत लाभग्राहीले पहिलो किस्ता प्राप्त गरिसकेका छन् ।
सरकारी जग्गा मिचेर बनेका घर तथा लालपुर्जा नभएको र जग्गासम्बन्धी विवाद भएका केही घरधुरीले आवश्यक प्रक्रिया पुरा गर्न नसक्दा पहिलो किस्ताको अनुदान लिन सकेका छैनन ।
पछिल्लो प्रगती अनुसार पहिलो किस्ता लिएर सरकारी मापदण्ड र प्रक्रिया र्पुयाई घरको जग पुनर्निर्माण कार्य सम्पन्न गरेका एक हजार ४ सय ३८ घरधुरीले दोस्रो किस्ता वापतको अनुदान समेत प्राप्त गरिसकेको प्राधिकरणले जनाएको छ ।
प्राधिकरणले दोलखामा पहिलो र दोस्रो किस्ता बुझेर मापदण्ड अनुसार घरको पनुर्निर्माण गरिरहेका ४४ घरधुरीलाई तेस्रो किस्ता बापतको एक लाख रुपैया अनुदान समेत बितरण गरिसकेको छ ।
प्राधिकरणले दोस्रो किस्ता बितरणमा ढिलाई नहोस भन्ने उद्देश्यले अग्रीम रुपमा जिल्लामा अनुदान रकम पठाइसकेको छ । प्राधिकरणका प्रमुख कार्यकारी अधिकृत डा. गोविन्दराज पोखरेलले पहिलो किस्ता लिएर सरकारी मापदण्ड र प्रक्रिया पुरा गरि घरको जग हालेका लाभग्राहीले तत्काल दोस्रो किस्ताको रकम प्राप्त गर्न सक्ने बताए ।
पोखरेलले भने,‘ जिल्लामा प्राविधिक निरीक्षण फारम भरेर पहिलो प्रक्रिया पुरा गरेको प्रमाणित भए दोस्रो किस्ताको अनुदान रकम लिन सकिन्छ, हामीले दोस्रो किस्ता वापतको अनुदान रकम बितरणका लागी जिल्लामा पहिले नै पठाइसकेका छौ, पहिलो चरणको प्रक्रिया पुरा गरेका लाभग्राहीले तत्काल नजिकैको गााउपालिकारनगरपालिका वा वडा कार्यालयमा सम्पर्क राख्नुहोला । ’
कतिपय जिल्लामा दोस्रो किस्ताका लागी प्राविधिक निरीक्षण फारम पुग्ने क्रममा रहेको शहरी बिकास तथा भवन निर्माण विभागले जनाएको छ ।
फारम छाप्ने जिम्मा लिएको शहरी बिकास तथा भवन निर्माण विभागले बिश्व बैंकसाग समन्वय गरेर थप फारम जिल्ला पठाइ रहेको भन्दै कार्यकारी प्रमुख पोखरेलले सवै जिल्लामा दोस्रो किस्ता वापतको अनुदान बितरणलाई तिव्रता दिन निर्देशन दिइसकेको जानकारी दिए ।
लेखकको बारेमा
प्रतिक्रिया