काठमाडौं । नेपाल बंगलादेश बैंकले चालु आर्थिक बर्षको दोस्रो त्रैमासमा ५४ करोड ६ लाख रुपैयाँ खुद नाफा कमाएको छ । यो अघिल्लो आर्थिक वर्षको सोही वर्षको तुलनामा ५० प्रतिशतले बढी हो । बैंकले गत वर्षको सोही अवधिमा ३६ करोड रुपैयाँ खुद नाफा गरेको थियो ।
बैंकले यस अवधिमा खराव कर्जालाई ०.९९ प्रतिशतमा झारेको छ भने ६ करोड ९० लाख रुपैयाँ निष्कृय कर्जा असुल गरेको छ ।
बैंकको चुक्तापुजी चार अर्व रुपैयाँ रहेको छ । बैंकले गतबर्षको मुनाफबाट ३२ प्रतिशत बोनस बाँडेर चुक्तापूँजी बढाएको हो । बैंकले आठ अर्ब चुक्तापुँजी पुर्याउन ८० प्रतिशत हकप्रद सेयर निष्कासन गर्दैछ ।
पहिलो ६ महिनामा बैंकले ४१ अर्ब निक्षेप संकलन गरेर ३६ अर्ब कर्जा लगानी गरेको छ । बैंकको प्रति सेयर आम्दानी २७ रुपैयाँ छ भने प्रतिसेयर नेटवर्थ १६४ रुपैयाँ देखाएको छ ।
लेखकको बारेमा
प्रतिक्रिया