काठमाडौं । सानिमा बैंकले चालु आर्थिक वर्षको दोस्रो त्रैमासमा ६२ करोड २४ लाख रुपैयाँ खुद नाफा गरेको छ । यो गत आर्थिक वर्षको सोही अवधिको तुलानामा ५५ प्रतिशतले बढी हो । गत आर्थिक वर्षको दोस्रो त्रैमासमा बैंकले ४० करोड ८० लाख रुपैयाँ खुद नाफा गरेको थियो । बैंकको व्याज आम्दानी बढ्दा नाफा पनि बढेको हो ।
बैंकले प्रकाशित गरेको अपरिष्कृत वित्तिय विवरण अनुसार बैंकको प्रति सेयर आम्दानी २३ रुपैयाँ ६५ पैसा रहेको छ भने प्रति सेयर नेटवर्थ १२६ रुपैयाँ ६९ पैसा रहेको छ । बैंकको निष्कृय कर्जा भने अत्यधिक न्युन ०.०१ प्रतिशत रहेको छ ।
बैंकले यस अवधिमा कुल ५० अर्व रुपैयाँ निक्षेप संकलन गरेको छ भने ४६ अर्व रुपैयाँ कर्जा प्रबाह गरेको छ । गत वर्षको सोही अवधिमा बैंकले ३९ अर्व निक्षेप र ३३ अर्व रुपैयाँ कर्जा प्रबाह गरेको थियो ।
लेखकको बारेमा
प्रतिक्रिया