काठमाडौं । नेपाल राष्ट्र बैंकले विहिबार जारी गरेको निर्देशनबाट सर्वसाधारण बचतकर्ताको व्याजदर बढ्ने भएको छ । केन्द्रीय बैंकले जारी गरेको निर्देशनअनुसार बैंकहरुले कल डिपोजिट खातामा साधारण बचत खाताको भन्दा बढी व्याज दिन नपाउने व्यवस्था छ । यो व्यवस्थाका कारण अब बैंकहरुलाई साधारण बचतको व्याजदर बढाउने या कल डिपोजिटको घटाउने दवाव परेको छ ।
कल डिपोजिट खाता प्रायः संस्था या कम्पनीले संचालन गर्छन् । उनीहरुले कारोबार व्यक्तिगत भन्दा बढी हुने भएकाले बैंकहरुले त्यस्ता कम्पनीहरुलाई बढी व्याज दिदै आएका थिए । जसको कारण व्यक्तिगत बचतकर्ता भने मर्कामा पर्दै आएका थिए ।
सिमित बचतकर्तालाई पोस्ने र अधिकांशलाई मर्कामा पार्ने बैंकहरुको कामलाई राष्ट्र बैंकको निर्देशनसँगै बन्द हुने आश गरिएको छ ।
हाल बैंकहरुले मुद्दति र कल खातामा १२ प्रतिशतसम्म व्याजदर पुर्र्याउदा व्यक्तिगत साधारण खातामा भने अझै ५ प्रतिशत पनि पुर्र्याएका छैनन् ।
लेखकको बारेमा
प्रतिक्रिया