काठमाडौं । प्रुडेन्सियल इन्स्योरेन्स कम्पनीको साधारणसभाले २०.५ प्रतिशत बोनस सेयर दिने सञ्चालक समितिको प्रस्ताव पारित गरेको छ । मंगलबार बसेको कम्पनीको पन्ध्रौ बार्षिक साधारणसभाले कम्पनीले बोनस सेयर पश्चात हुन आउने चुक्तापुँजीको ३०.५ प्रतिशत हकप्रद सेयर जारी गर्ने प्रस्ताव पनि पारित गरेको हो ।
हाल कम्पनीको ३५ करोड ६४ लाख चुक्ता पूँजी छ । बोनस सेयर र हकप्रद सेयर पश्चात कम्पनीको चुक्तापूँजी ५५ करोड ५९ लाख ८४ हजार पुग्ने कम्पनीले जनाएको छ । कम्पनीले गत वर्षमा १५ करोड ३२ लाख ७२ हजार खुद नाफा कमाएको थियो ।
त्यसैगरी कम्पनीको सञ्चालकमा सर्वसाधारण शेयरधनीहरुबाट विष्णु भण्डारीलाई निर्विरोध चयन गरेको छ ।
लेखकको बारेमा
प्रतिक्रिया