काठमाडौं । बिमा समितिले एक एक दर्जन भन्दा बढी बिमा कम्पनीलाई अनुमतिपत्र (लाइसेन्स) दिने भएको छ । समितिको संचालक समितिको बैठकले यसअघि नै कम्पनी रजिष्टारको कार्यालयमा दर्ता भई अनुमतिका लागि निवेदन पेश गरीसकेका कम्पनीलाई लाइसेन्स दिने निर्णय गरेको हो ।
समितिका अनुसार ८ वटा जीवन र ५ वटा निर्जीवन गरी १३ कम्पनीले अनुमतिका लागि निवेदन दिएका छन् । लाइसेन्सका लागि आवेदन दिएका जीवन बिमा कम्पनीमा सिटिजन्स, स्टार, सननेपाल, सानिमा, रिलायन्स, रिलायबल, स्ट्यान्डर्ड र आइएमई रहेका छन् । यसैगरी निर्जीवनमा सानिमा, आइडियल, जनरल, अजोड र मनकामना रहेका छन् ।
समितिमा दर्ता रहेका कम्पनीलाई २१ दिनभित्र अहिले तोकिएको मापदण्ड पुरा गरी अनुमतिका लागि आउन पत्राचार गरिएको प्रवक्ता श्रीमान कार्कीले जानकारी दिए ।
समितिले थप कम्पनीलाई अनुमति दिनेबारे अध्ययनका लागि समिति गठन गरेको छ । समितिको निर्णय अनुसार थप कम्पनीबाट आवेदन लिने नलिने निर्णय लिने बताइएको छ ।
हालको व्यवस्था अनुसार निर्जीवन कम्पनीलाई लाइसेन्स समिति आफैले र जीवनलाई भने समितिको सिफारीसमा अर्थ मन्त्रालयले अनुमति दिनेछ ।
लेखकको बारेमा
प्रतिक्रिया