काठमाडौं । नेपालका लागी अष्ट्रेलियाका राजदूत गेलेन ह्वाइट ले उद्योग मन्त्रालयले सुरु गरेको नीतिगर सुधारका कारण नेपालमा वैदेशिक लगानीका लागी वातावरण वन्दै गएको बताएका छन् । उद्योगमन्त्री नवीन्द्रराज जोशीसँग विहिबार उद्योग मन्त्रालयमा भेट गर्दै अष्ट्रेलियन राजदूत गेलेनले नेपालको विकास प्रयासमा अष्ट्रेलिययन सहयोग नीरन्तर रहने प्रतिवद्धता पनि जाहेर गरे ।

नेपालको दार्चुला जिल्लामा उत्पादित अर्गानिक महको विश्व बजारमा राम्रो बजार रहेको भन्दै त्यसको प्रशोधनको लागी काम गर्न नेपाल सरकारलाई सुझाव समेत उनले दिए । भेटमा उद्योग मन्त्री नवीन्द्रराज जोशीले लघु उद्यम विकास कार्यक्रममा रहेको अष्ट्रेलियन सहयोगको प्रसंसा गर्दै उद्यमशिलता विकास गर्ने सो कार्यक्रमले ग्रामिण क्षेत्रमा ७० हजार भन्दा बढी उद्यमी तयार पारिसकेको बताए ।

सो कार्यक्रममा अष्ट्रेलियन सरकार र युनएनडिपीको सहयोग रहँदै अएको छ । भेटमा मन्त्री जोशीले लगानीमैत्री वातावरण निर्माणका लागि आवश्यक कतिपय ऐन नियम ल्याईसकेको र विदेशी लगानी तथा प्रविधि हस्तान्तरण सम्वन्धि नयाँ ऐन अन्तिम चरणमा रहेको बताए ।

अन्तर्राष्ट्रिय लगानी सम्मेलनमा व्यक्त आशयपत्रहरुलाई लगानीमा परिणत गर्न सरकारले विभिन्न समिति बनाएर फलोअप गरिरहेको भन्दै मन्त्री जेशीले नीतिगत सुधारका साथै उद्योग मन्त्रालय र मन्त्रालय अन्तरगतका विभागहरुबाट प्रदान गरिने प्रशासनिक सेवालाई चुस्त दुरुस्त र पारदर्शी बनाईएको बताए ।

नेपाली उत्पादनको अष्ट्रेलियामा बजार विस्तारका लागी सघाउन समेत मन्त्री जोशीले अष्ट्रेलियन राजदूत गेलेनलाई अग्रह गरे ।

लेखकको बारेमा

अर्थटुडे