काठमाडौं । व्यवस्थापिका संसद अन्र्तगतको विकास समितिले मुग्लिन–नारायणगढ सडक खण्डलाई रातिको समयमा बन्द गर्न सरकारलाई निर्देशन दिएको छ । उक्त सडकमा नियमित जस्तो आइरहेको पहिरोका कारण जनधनको क्षति समेत भइरहेको र आवागमनमा असहज स्थिति सृजना भएकाले सडक सुरक्षाको प्रवर्धन गर्न वर्षायामको समयसम्म करिव डेढ महिना रातिको समयमा सवारी आवागमनलाई निषेध गर्न निर्देशन दिएको हो ।
मंगलबार बसेको समितिको बैठकले संम्भव भएसम्म राति पनि सडक विस्तारको कार्य गर्न तथा जोखिमयुक्त वस्तिहरुलाई स्थानान्तरण गर्न वा तत्काल बैकल्पिक व्यवस्थापन गर्न समेत निर्देशन दिएको छ ।
यसैगरी समितिको बैठकले उपत्यका भित्रका सडकहरुलाई तत्काल स्त्तरोन्नति गर्न, मापदण्ड अनुसार सडकको चौडाई तत्काल विस्तार गर्न, बिजुलीका तारहरुलाई युटिलिटि टनेल अन्तर्गत अन्डरग्राउन्ड गर्न र सडकहरुलाई तीन महिनाभित्र दुरुस्त अवस्थामा राखिसक्ने व्यवस्था मिलाउन समेत निर्देशन दिएको छ ।
लेखकको बारेमा
प्रतिक्रिया