काठमाडौं । नेपाल एसबीआई बैंकले सेयरधनीलाई गत आर्थिक वर्षसम्मको सञ्चित नाफाबाट ८.२५ प्रतिशत लाभांश वितरण गर्ने भएको छ ।
बैंक सञ्चालक समितिको शुक्रबार बिहान बसेको बैठकले सेयरधनीलाई हाल कायम गरेको चुक्ता पुँजीको कुल ८.२५ प्रतिशत लाभांश वितरण गर्ने निर्णय गरेको हो । प्रस्तावित लाभांशमध्ये ३.४० प्रतिशत बोनस सेयर र ४.८५ प्रतिशत नगद लाभांश (करसहित) रहेको छ ।
बैंकले प्रस्ताव गरेको उक्त लाभांश नेपाल राष्ट्र बैंकको स्वीकृति तथा आगामी वार्षिक साधारणसभाबाट पारित भएपछि सेयरधनीलाई वितरण गरिने जनाएको छ ।
बैंकले सार्वजनिक गरेको अपरिष्कृत वित्तीय विवरण अनुसार अघिल्लो आर्थिक वर्षको तुलनामा बैंकको खुद नाफामा १२.८९ प्रतिशतको वृद्धि देखिएको छ । अघिल्लो आर्थिक वर्षमा १ अर्ब ८१ करोड ९ लाख रुपैयाँ खुद नाफा कमाएको यस बैंकले गत असार मसान्तसम्ममा आफ्नो नाफा बढाएर २ अर्ब ४ करोड ४३ लाख रुपैयाँ पुर्याउन सफल भएको छ ।
लेखकको बारेमा
प्रतिक्रिया