काठमाडौ । रसुवाको भोटेकोशी नदीमा आएको बाढीका कारण ११ वटा बाणिज्य बैंकका २६ जना कर्मचारीहरु अझै हराइरहेका छन् ।
नेपाल बैंकर्स संघका अनुसार बाढी प्रभावित जिल्ला रसुवा र नुवाकोटका शाखा रहेका ति बाणिज्य बैंकका ११५ कर्मचारीमध्ये ८७ जना भने सुरक्षित रहेका छन् । त्यस्तै ८ जना घाइते भएको र उनीहरुको उपचार भइरहेको संघले जनाएको छ ।
संघका अनुसार कृषि विकास बैंक, सिटिजन्स बैंक, ग्लोवल आइएमइ बैंक, हिमालय बैंक, लक्ष्मी सनराइज बैंक, माछापुच्छ्रे बैंक, नविल बैंक र सानिमा बैंकको एक एक शाखा मात्र बाढी प्रभावित रहेको छ ।
एनआइसी एसियाको ३ वटा, नेपाल इन्भेष्टमेन्ट मेगा बैंकको ४ वटा र प्रभु बैंकको २ वटा शाखा पुर्ण रुपमा क्षती भएको छ ।
त्यस्तै कृषि विकास बैंकको भने आफ्नै भवन क्षती भएको संघले जनाएको छ । हराइरहेको कर्मचारीहरुको खोजीकार्य जारी रहेको पनि संघले जानकारी दिएको छ ।
लेखकको बारेमा
प्रतिक्रिया