काठमाडौं । पछिल्लो समय सेयर बजार लगातार बढी रहेको छ । साताको पहिलो दिन आइतबार सेयर बजार परिसुचक (नेप्से) ४७.७९ अंकले उकालो लागेर १५३३.८३मा अडिएको छ । यसदिन दिनभर ३६ लाख ५७ हजार कित्ता सेयर एक अर्ब ७६ करोड रुपैया बराबरमा कारोबार भयो ।
यसदिन बैकिङ ४४.४१, होटल ९६.४५,विकास बैंक ६०.९७,जलबिद्यतु १५९.४, फाइनान्स २४.७, बिमा २०३.३७ र अन्य ६.६५अंकले उकालो लागेको छ । 
आइतबार प्रभू इन्सुरेन्स कम्पनीको सबैभन्दा बढी १९ करोड २८ लाख बराबरको सेयर किनबेच भयो । त्यस्तै धेरै कारोबार हुने कम्पनीहरुमा एनसीसी बैंकको ९ करोड,नेशनल हाइड्रो पावर कम्पनी ८ करोड, सानिमा बैंक ६ करोड, नेपाल बंगलबादेश बैंक ५ करोड, लक्ष्मी बैंक ५ करोड र नेपाल इन्भेष्टमेन्ट बैंकको ५ करोड रुपैयाँ बराबरको कारोबार भएको छ ।
त्यसैगरी यसदिन १० प्रतिशतको हाराहारीमा हाम्रो विकास बैंक,लक्ष्मी लघुवित्त वित्तिय संस्था र जनउत्थान् सामुदायिक लघुवित्त वित्तिय संस्था रहेका छन् । नेप्से पुरै हरियो भएको दिनपनि तीनवटा कम्पनीले भने गुमाएका छन् । यसदिन सप्तकोसी डेभलपमेन्ट बैंक,साहारा विकास बैंक र प्रभू इन्सुरेन्स कम्पनीका लगानीकर्ताले गुमाएकाछन् ।
लेखकको बारेमा
प्रतिक्रिया