काठमाडौं । मंगलबार सेयर बजार परिसुचक (नेप्से) ३.६१ अंकले घटेको छ । दिनभर १ अर्ब ६३ करोड बराबरको कारोबार भएको छ । मंगलबार बैकिङ ३.८८, विकास बैंक ६.१३,जलबिद्युत ३३.०६ र अन्य ६.०७ अंकले ओरालो लागेको छ भने होटल ७७.२१, फाइनान्स २.३८ र बिमा ९.३३ अंकले उकालो लागेको छ ।
यसदिन नेपाल बैंक लिमिटेडको सबैभन्दा बढी १२ करोड ८५ लाख बराबरको सेयर कारोबार भएको छ । त्यस्तै एनसीसी बैंक, गुँरास लाइफ इन्सुरेन्स कम्पनीको पौने सात करोडको हाराहारीमा सेयर कारोबार भएको छ ।
यसदिन सबैभन्दा बढी गुमाउनेहरुमा युनाइटेड फाइनान्स,जनउत्थान सामुदायिक लघुवित्त बिकास बैंक,नयाँ नेपाल लघुवित्त बिकास बैंक र रिलायबल माइक्रोफाइनान्स वित्तिय संस्था रहेका छन् । यी कम्पनीहरुले मंगलबार सात प्रतिशत भन्दा बढीले आफ्नो सम्पत्ति गुमाएका छन् ।
मंगलबार सबैभन्दा बढी कमाउनेहरुमा भने गोर्खा फाइनान्स र राष्ट्रिय बिमा कम्पनी रहेका छन् । यीनीहरुले मंगलबार मात्र ९ प्रतिशत भन्दा बढीले कमाएका छन् ।
लेखकको बारेमा
प्रतिक्रिया