काठमाडौं । स्वदेशी लघुवित्त वित्तीय संस्थाको ३ करोड रुपैयाँ बराबरको साधारण सेयर (आइपीओ) आजदेखि खुल्ला भएको छ । कम्पनीले विक्रि खुल्ला गरेको ३ लाख कित्ता सेयरमा सर्बसाधरणले २ लाख ७३ हजार कित्ता सेयरमा मात्र आवेदन दिन पाउँने छन् । बाँकी सेयर कर्मचारी र सामुहिक लगानी कोषको लागि छुट्याइएको छ ।
कम्पनीको आइपीओ चाडोमा चैत २९ गते र ढिलोमा बैशाख ८ गते बन्द हुने छ । कम्पनीको सेयरमा न्युनत्तम ५० देखि अधिकत्तम १५ सय कित्ता सेयरसम्म आवेदन दिन सकिनेछ ।
कम्पनीले सेयर जारी गरेसँगै चुक्ता पुँजी १० करोड रुपैयाँ पुग्ने भएको छ ।
कम्पनीको सेयर बिक्री प्रबन्धकमा एनएमबी क्यापिटल रहेको छ । एनएमबी क्यापिटल, एनएमबी बैंकका शाखाहरु र स्वदेशीकै कार्यालयबाट आवेदन बुझाउन सकिनेछ ।
हाल ७५ जिल्लामा कार्य क्षेत्र रहेको कम्पनीले ३९ वटा जिल्लामा सेवा प्रदान गरेको छ ।
लेखकको बारेमा
प्रतिक्रिया