मंगलबार पनि सुस्तायो बजार, करिब ५८ करोडको कारोबार

काठमाडौं ।  सेयर बजार मंगलबार पनि सुस्ताएको छ । मंगलबार नेप्से सूचक ४.०९ विन्दुले तल झरेर १५५१.०७ अंकमा आइपुगेको छ । दिनभर १४१ कम्पनीको ५७ करोड ९२ लाख रुपैयाँ बराबरको ११ लाख ६२ हजार २३९ कित्ता सेयर कारोबार भएका छन् ।

हाइड्रोपावर, उत्पादनमूलक र अन्य समूहका सूचक बढेका छन् भने बाँकी अरु समूह चाहिँ तल झरेका छन् । सबैभन्दा धेरै बिमा समूहको सूचक २९.३८ विन्दुले घटेको छ । उता, बजारमा वर्चस्व रहेको वाणिज्य बैंक समूहमा पनि ४.६७ अंकको ह्रास देखिएको छ । यसदिन सबैभन्दा बढी एभरेस्ट बैंकको कारोबार भएको छ ।

एभरेस्ट बैंकको ९ करोड रुपैयाँभन्दा बढीको सेयर किनबेच भएको हो । यसैगरी, कारोबार रकमकै आधारमा दोस्रो र तेस्रो स्थानमा क्रमशः एनसीसी बैंक र स्टान्डर्ड चार्टर्ड बैंक परेका छन् ।