काठमाडौं । सेयर दलालहरुले आइतबार कारोबार सूचारु गर्ने भएका छन् । कर कार्यालयले मूल्य अभिबृद्धि कर ( भ्याट) मा दर्ता हुन र बक्यौता तिनै ताकेता गरेको भन्दै बिहीबार एक्कासी सेयर बजार बन्द गरेको सेयर दलालहरुले आईतबार भने कारोबार सुचारु गर्ने भएका हुन् ।
शनिबार स्टक ब्रोकर एसोसिएसनको शनिबार बसेको बैठकले शुक्रबार भएको सहमति कार्यान्वयन हुने विश्वासमा आइतबार कारोबार चालु गर्ने निर्णय गरेको हो । शनिबार एशोसियशनका महासचिब सन्तोष मैनालीले हस्ताक्षर गरेको विज्ञप्ति जारी गरी अर्थ मन्त्रालयका राजश्व सचिवसँगको वार्तामा भएको सहमति कार्यान्वयन हुने विस्वाससहित आईतबार कारोबार सञ्चालन गर्ने निर्णय गरेको बताएको छ ।
समस्या समाधानका बारेमा धितोपत्र बोर्ड, नेप्से, आन्तरिक राजश्व बिभागसँग पनि छलफल भएको एशोसियशनले जनाएको छ । एशोसियशनले कर कार्यालयले केही सेयर दलालहरुलाई चार बर्षको प्रारम्भिक भ्याट मुल्यांकन गरी सो बुझाउन र भ्याटमा दर्ता भएर मात्र कारोबार गर्न असार १४ गते पत्र काटेको र भ्याटको प्रक्रियागत अन्योलले असार १५ गते बिहीबार कारोबार रोकिएको जनाएको छ ।
सो दिन कारोबार रोकिएर लगानीकर्ता तथा सरोकारवाला निकायहरुमा पर्न गएको असुबिधाप्रति संघले दुख ब्यक्त गरेको छ । बिहीबार उनीहरुले एक्कासी सेयर कारोबार बन्द गरेपछि सबैतिरबाट तीब्र आलोचना भएको थियो ।
लेखकको बारेमा
प्रतिक्रिया