बैंकहरु सेयर धितो कर्जा थप बढाउन सक्ने अवस्थामा, सिटिजन्स बैंकले मात्र तोकिएको सिमा नघायो

काठमाडौं । नेपाल राष्ट्र बैंकले तोकेको मार्जिन लेन्डिङ (सेयर धितो कर्जा) को नयाँ मापदण्ड अनुसार बैंकहरुले यस क्षेत्रमा थप कर्जा बढाउनसक्ने अवस्थामा देखिएका छन् । बैंकहरुको पुँजी वृद्धि भएकाले पनि बैंकहरुले थप कर्जा विस्तार गर्न सक्ने भएका हुन् ।

राष्ट्र बैंकले तोकेको मापदण्ड अनुसार हाल सिटिजन्स बैंकले मात्र सेयर धितो कर्जा थप बढाउन सक्ने अवस्थामा छैन । उसले प्राथमिक पुँजीको ४०.१३ प्रतिशत सेयर धितोमा लगानी गरिसकेको छ । यसैगरी सानिमाले ३७ प्रतिशत, सनराइजले ३०, प्रभुले २८ प्रतिशत लगानी गरेको छ । सबैभन्दा कम माछापुच्छ«े बैंकले ०.४४ प्रतिशत मात्र लगानी गरेको छ ।

गत आर्थिक वर्षको चैतसम्ममा बैंकहरुले ३३ अर्व ४४ करोड मार्जिक कर्जा लगानी गरेको छन् । जुन समग्रमा प्राथमिक पुँजीको १३ प्रतिशतमात्र हो । बैंकहरुसँग अझै २७ प्रतिशत कर्जा विस्तार गर्न सकिने क्षेत्र बाँकी छ ।

मौद्रिक नीति सार्वजनिक गर्दै केन्द्रिय बैंकले बैंक तथा वित्तीय संस्थाले आफ्नो कोर क्यापिटल (चुक्ता पुँजी समेत) को ४० प्रतिशत भन्दा बढी सेयर धितो कर्जा प्रबाह गर्न पाउने व्यवस्था गरेको छ ।

यसैगरी एकै सूचीकृत कम्पनीको सेयर धितोमा कर्जा प्रवाह गर्दा भने बैंक तथा वित्तीय संस्थाले अब कोर पुँजीको १० प्रतिशत मात्र कर्जा लगानी गर्न पाउने व्यवस्था गरेको छ ।

बैंकहरुले सेयर धितोमा कर्जा जारी गर्दा सेयर मूल्यांकन गर्ने विधिमा भने परिवर्तन गरिएको छैन् । बैंकहरुले धितो राखिने सेयरको १ सय ८० दिनको मूल्य वा बजारको मूल्यमध्ये जुन कम हुन्छ त्यसको त्यसको बढिमा ५० प्रतिशतमात्र लगानी गर्न पाउँनेछन् ।

कुन बैंकको कति लगानी (हेर्नुहोस् तालिकामा) स्रोत : कारोबार