नाै वटा विधेयक संसद्मा लैजाने  सरकारकाे निर्णय

मन्त्रिपरिषद्ले संवैधानिक निकायका पदाधिकारीहरूको पारिश्रमिक, सेवा, शर्त र सुविधासम्बन्धी ऐन–२०५३ संशोधन विधेयक, खानी तथा खनिज पदार्थसम्बन्धी कानुन संशोधन तथा एकीकरण विधेयक, संक्रामक पशुरोग नियन्त्रणसम्बन्धी विधेयक, राहदानी ऐन–२०७६ संशोधन विधेयक, मानव बेचबिखन तथा ओसारपसार नियन्त्रण (पहिलो संशोधन) विधेयक, बालश्रम निषेध तथा नियमनसम्बन्धी विधेयक, आन्तरिक वायुसेवाको दायित्वसम्बन्धी विधेयक, मेलमिलापसम्बन्धी ऐन–२०६८ संशोधन विधेयक तथा कर्मचारी ऐन–२०१९ संशोधन विधेयक संघीय संसद्मा पेश गर्न स्वीकृति दिएको छ।

बैठकले सम्पत्ति शुद्धीकरण अनुसन्धान विभागका महानिर्देशक वा निजले तोकेको अधिकृतलाई विदेशी विनियमसम्बन्धी कसुरको अनुसन्धान अधिकारी तोक्ने निर्णय पनि गरेको छ।

यस्तै, समस्याग्रस्त सहकारी व्यवस्थापन समितिको सदस्यमा सिन्धुलीका ऐडराज दाहाललाई मनोनयन गर्ने तथा प्राविधिक शिक्षा तथा व्यावसायिक तालिम परिषद् (सीटीईभीटी) छैटौँ संशोधन नियमावली–२०८३ स्वीकृत गर्ने निर्णय पनि मन्त्रिपरिषद्ले गरेको प्रवक्ता पोखरेलले जानकारी दिए।

सरकारले सार्वजनिक गरेका निर्णयमध्ये कानुन संशोधन, वित्तीय अपराध अनुसन्धान, सहकारी क्षेत्रको व्यवस्थापन तथा प्राविधिक शिक्षासम्बन्धी सुधारलाई प्राथमिकता दिइएको देखिएको छ।