काठमाडौ सातै प्रदेशबाट एक–एक जना प्रतिनिधित्व हुने गरी संचालकहरुको निर्वाचन हुन लागेको राष्ट्रिय सहकारी बैंकको बाग्मती र सुदुरपश्चिम प्रदेशको मात्र निर्वाचन हुने भएको छ ।
अन्य पाँच प्रदेशबाट एक एक जना संचालकले मात्र निर्वाचनका लागि उमेदवारी दिएपछि उनीहरु स्वतः सो प्रदेशबाट संचालक भएका छन् । बाग्मती प्रदेशबाट भने पाँच र सुदुरपश्चिम प्रदेशबाट ३ जनाले संचालक पदका लागि आवेदन दिएपछि ति क्षेत्रबाट आउने संचालकको लागि भने निर्वाचन हुने भएको हो ।
राष्ट्रिय सहकारी बैंकका अनुसार बाग्मती प्रदेशको लागि संचालकमा रामहरी शर्मा तिमल्सिना, परितोष पौडेल, ध्रुवराज विष्ट, रामशरण शर्मा घिमिरे र बद्रीप्रसाद संजेलले उमेदवारी दर्ता गराएका छन् ।
त्यस्तै सुदुरपश्चिमबाट प्रदेशबाट मनमोहन विष्ट, सुरेन्द्रबहादुर बडुवाल र अमरनाथ न्यौपानेले उमेदवारी दर्ता गराएका छन् ।
तर कोशी प्रदेशबाट संचालकका लागि लक्ष्मीप्रसाद उप्रेती सर्बसम्मत निर्वाचित भएका छन् भने मधेश प्रदेशबाट मन्दिरा आचार्य निर्वाचित भएकी छिन्। त्यस्तै गण्डकी प्रदेशबाट कमलादेवी गिरी, लुम्बीनीबाट विष्णुप्रसाद बराल र कर्णाली प्रदेशबाट कालीप्रसाद महतरा सर्बसम्मत निर्वाचित भएका छन् ।
सहकारी बैंकको निर्वाचन आगामी जेठ ९ गने हुने तय भएको छ । नेपाल राष्ट्र बैंकको नयाँ निर्देशनअनुसार अब बैंकमा जम्मा ७ जना निर्वाचित र दुईजना मनोनित विज्ञ गरी ९ जनाको संचालक समिति रहने छ । संचालक समितिले नै आगामी अध्यक्ष चयन गर्ने व्यवस्था गर्न राष्ट्र बैंकले गरेको निर्देशन बमोजिम बैंकले निर्वाचन गर्न लागेको हो ।
लेखकको बारेमा
प्रतिक्रिया