काठमाडौ । नेपालको बैंक, वित्तीय संस्थाहरुले अन्य क्षेत्रमा लगानी गर्न नसकेपछि नेपाल राष्ट्र बैंकले जारी गरेको ऋणपत्रमा माग भन्दा ४८ गुणा बढीको आवेदन परेको छ । बार्षिक २.६४ प्रतिशतदिने गरी सोमबार नेपाल राष्ट्र बैंकले ‘नेपाल राष्ट्र बैंक ऋणपत्र २०८२ क’ खुल्ला गरेको थियो ।
जसमा १२ खर्ब २० अर्ब ५५ करोड रुपैयाँको आवेदन परेको छ । जवकी नेपाल राष्ट्र बैंकले जम्मा २५ अर्ब रुपैयाँ बराबरको एक बार्षको लागि ऋणपत्र जारी गरेको थियो । सो ऋणपत्रमा ३२ बैंक, वित्तीय संस्थाहरुले १२९ ओटा वोलकबोल मार्फत सो रकम बराबरको आवेदन गरेका छन् ।
हालसम्म राष्ट्र बैंकले निक्षेप संकलन उपकरण तथा स्थायी निक्षेप सुविधा उपकरणमार्फत बजारबाट ६ महिनासम्म अवधिका बजारबाट पैसा उठाउदै आएको छ । तर, बैंकिङ प्रणालीको अधिक तरलताको समस्या तत्काल समाधान नहुने स्थिति देखिएपछि राष्ट्र बैंक ऋणपत्रमार्फत एक वर्ष अवधिका लागि बजारबाट पैसा उठाउन थालेको छ ।
राष्ट्र बैंकले २ खर्ब बराबरको ऋणपत्र जारी गर्ने निर्णय गरेपनि खुल्ला बजार सञ्चालन समितिले बजारमा कायम तरलताको अवस्था विश्लेषण गरी ऋणपत्र जारी गर्नेछ ।
सो ऋणपत्रमा बैंक तथा वित्तिय संस्थाले न्यूनतम ५ करोड र बढीमा ५ करोड रुपैयाँले भाग गर्दा निःशेष भाग जाने गरी कुल आह्वान रकमसम्म आवेदन दिन सक्ने व्यवस्था गरेको थियो ।
लेखकको बारेमा
प्रतिक्रिया