काठमाडौ । एनआईसी एशिया बैंक लिमिटेडले चुक्तापुँजीको ५० प्रतिशत हकप्रद सेयर निष्कासन गर्ने भएको छ । बैंकको हाल चुक्तापुँजी १४ अर्ब ९१ करोड ७५ लाख ६६ हजार ९२२ रुपैयाँ रहेको छ । सो को ५० प्रतिशत अर्थात् ७ अर्ब ४५ करोड ८७ लाख ८३ हजार ५०० रुपैयाँबराबरको हकप्रद सेयर निष्कासन गर्ने भएको हो ।
आइतबार बसेको बैंकको संचालक समितिको बैठकले ७ करोड ४५ लाख ८७ हजार ८३५ कित्ता हकप्रद सेयर निष्काशन गर्ने निर्णय गरेको हो । पुँजीकोषमा दवाव परेर व्यवसाय विस्तारमा कठिनाइ भएपछि बैंकले हकप्रद जारी गरेर पुँजीकोषको दवावलाई कम गर्न खोजेको हो ।
नेपाल राष्ट्र बैंकले गरेको व्यवस्था अनुसार बाणिज्य बैंकहरुले आफ्नो पुँजीकोष ८.५ प्रतिशत कायम गर्नुपर्छ । एनआइसी एसिया बैंकको सोही हाराहारीमा पुँजीकोष पुगेकोले जम्मा ८ देखि १० अर्ब बराबरको मात्र उनीहरुले थप ऋण प्रबाह गर्न पाउने छन् । हकप्रद सेयर जारीपछि दवावमा परेको पुँजीकोष केही कम हुने बैंकले जनाएको छ ।
बैंकको सो निर्णय नेपाल राष्ट्र बैंकबाट स्वीकृत भई आगामी वार्षिक साधारण सभाले पारित गरेपश्चात २ः१ को अनुपातमा हकप्रद सेयर निष्काशन गरिनेछ।
लेखकको बारेमा
प्रतिक्रिया