काठमाडौ । ग्लोवल आइएमई बैंक माथि नेपाल राष्ट्र बैंकले थप निगरानी बढाएको छ । चुक्ता भइसकेको ऋण पुनः सिर्जना गर्न सकिने सफ्टवेयर फेला पारेपछि केन्द्रिय बैंकले सो बैंक माथि थप निगरानी बढाएको हो ।
नेपाल राष्ट्र बैंकले गत माघ २९ गते सार्वजनिक गरेको तथ्यांक अनुसार ग्लोवल आइएमई बैंकले कोर बैकिङ सफ्टवेयरमा नै छेडखानी गरी चुक्ता भईसकेको कर्जा पनि पुनः नभएको देखाउन मिल्ने बनाएको थियो ।
राष्ट्र बैंकले ग्लोवल आइएमई बैंकमा गरेको स्थलगत निरिक्षणका क्रममा बैंकले प्रयोग गर्ने कोर बैकिङ सफ्टवेयरमा चुक्ता भइसकेको कर्जालाई पुरानै मितिमा राखी पुनः सिर्जना गर्न सक्ने अवस्था रहेको फेला पारेको थियो ।
यसरी बैंकले सफ्टवेयरमा नै छेडखानी गरी चुक्ता भइसकेको ऋणीलाई पनि पुनः ऋणी देखाउन सक्ने अवस्था देखेपछि सो बैंकका प्रमूख कार्यकारी अधिकृत सुरेन्द्रराज रेग्मीलाई केन्द्रिय बैंकले सचेत गराएको छ ।
सो सफ्टवेयर मार्फत कतिजनाको चुक्ता भइसकेको ऋण पुनः सिर्जना भयो भन्नेबारे यकिन तथ्यांक भने राष्ट्र बैंकले उपलव्ध गराएको छैन ।
त्यस्तै सोही बैंकले विभिन्न ऋणी अनुसारको पर्याप्त कर्जा नोक्सानी (प्रोभिजनिङ) नगरेको र कर्जाको पुनर्तालिकीकरण र पुनर्सरचना सम्बन्धी व्यवस्था पुर्ण रुपमा पालना नगरेको भन्दै सिइओ रेग्मीलाई पुनः सचेत गराएको छ ।
लेखकको बारेमा
प्रतिक्रिया