काठमाडौ । सरकारले नेपाल राष्ट्र बैंकको डेपुटी गभर्नरमा दीर्घबहादुर रावल नियुक्त गरेको छ । बुधबार बसेको मन्त्रिपरिषद बैठकले रावललाई डेपुटी गभर्नर नियुक्त गरेको हो ।
गत २०८२ चैत २४ गते किरण पण्डितलाई डेपुटी गभर्नर गरिएपनि अर्को एक डेपुटी भने रिक्त रहदै आएको थियो । गत फागुनमा २ जना डेपुटी गभर्नरहरु डा.निलम ढुंगाना तिमिल्सिना र बम बहादुर मिश्रको कार्यकाल सकिएको थियो ।
रिक्त एक डेपुटीमा पण्डितलाई नियुक्त गरेपनि चार महिना १० दिनपछि सरकारले अर्को डेपुटिमा रावलाई नियुक्त गरेको हो । दुवै जना ५ वर्षका लागि डेपुटी गभर्नर नियुक्त भएका हुन् ।
राष्ट्र बैंक ऐन दफा १६ मा गभर्नरको सिफारीसको आधारमा सरकारले डेपुटी गभर्नर नियुक्ती गर्ने प्रावधान छ । यसका लागि गभर्नरले नियुक्तीका लागि सिफारीस गर्दा बैंकभित्र विशिष्ट श्रेणीका अधिकृतमध्ये कार्यक्षमताको आधारमा रिक्त पदको दोब्बर संख्यामा नामावली सिफारीस गर्नुपर्ने व्यवस्था छ ।
राष्ट्र बैंकमा १८ जना कार्यकारी निर्देशक छन् । जसमध्ये बरिष्ठताको बरियताक्रमको आधारमा पण्डित सातौं नम्बर थिए भने रावल १० औ नम्बरमा रहेका छन् ।
रावल बैंक सुपरिवेक्षण विभागका प्रमूख छन् ।
लेखकको बारेमा
प्रतिक्रिया