काठमाडौ । सकारले चिनले दिने ४० लाख अमेरिकी डलर अर्थात् (५७ करोड ६० लाख) रुपैयाँ बराबरको नगद अनुदान स्वीकार्ने निर्णय गरेको छ ।
मंगलबार बसेको मन्त्रिपरिषद्को बैठकले सो निर्णय गरेको हो । चिन सरकारले फागुन २१ गतेको प्रतिनिधिसभा निर्वाचनका लागि सो रकम बराबरको अनुदान दिएको हो ।
प्रधानमन्त्री सुशीला कार्कीको अध्यक्षतामा बसेको बैठकले चालु आर्थिक वर्षको विनियोजित बजेट तथा कार्यक्रममा उल्लेख भए बमोजिम बुढीगण्डकी जलाशययुक्त जलविद्युत् आयोजनाको वित्तीय लगानी ढाँचा स्वीकृत गर्ने निर्णय गरेको छ ।
त्यस्तै न्यायधिक डाक्टर दिवाकर भट्टलाई काठमाडौ जिल्ला अदालतको कामसमेत हेर्ने गरी उपभोक्ता अदालत काठमाडौको अध्यक्ष तोक्ने नर्णय भएको छ । भट्ट काठमाडौ जिल्ला अदालतका जिल्ला न्यायाधीश पनि हुन् ।
यस्तै बीमा ऐन २०७९ को दफा १४० बमोजिमको कसुर सम्बन्धी मुद्दाको कारबाही र किनारा गर्ने अधिकार जिल्ला अदालतलाई तोक्ने निर्णय पनि मन्त्रिपरिषद्बाट भएको छ ।
आगामी वर्ष २०८३ साल वैशाख १ गतेदेखि चैत्र मसान्तसम्म एक वर्षभरी दिइने सार्वजनिक बिदा निर्धारण गर्ने निर्णय र प्रतिनिधिसभा सदस्य निर्वाचनका लागि फागुन २० गतेदेखि २२ गतेसम्म मुलुकभर सार्वजनिक बिदा दिने निर्णय पनि मन्त्रिपरिषद्ले गरेको छ ।
त्यसैगरी मन्त्रीपरिषद्ले जेनजी परिषद गठन गर्ने पनि निर्णय गरेको छ ।
लेखकको बारेमा
प्रतिक्रिया