काठमाडौ । जिल्ला अदालत काठमाडौंले व्यवसायीहरु दिपक भट्ट र सुलभ अग्रवाललाई धरौटीमा छाड्न आदेश दिएपनि उनीहरु छुट्न पाउने छैनन् । जिल्ला विहिबार जिल्ला अदालतका न्यायाधीश शिवप्रसाद आचार्यको इजलासले तीन फरक मुद्दामा उनीहरुलाई धरौटीमा छाड्न आदेश दिएपनि सम्पत्ति शुद्धीकरण सम्बन्धी कसुरमा विशेष अदालतको आदेशले उनीहरु थुनामै रहनेछन् ।
जिल्ला अदालत र विशेष अदालतले अग्रवालसँग तीनवटा मुद्धामा जम्मा ५ करोड ८० लाख रुपैयाँ धरौटी माग गरी छाड्न आदेश दिएको थियो । अग्रवालसँग जिल्ला अदालतले बीमा ऐन अन्तर्गतको कसुरमा दुई कोड, धितोपत्र सम्बन्धी ऐनको कसुरमा २ करोड ३० लाख र विषेष अदालतले धितोपत्र ऐन सम्बन्धी कसुरमा एक करोडा ५० लाख रुपैयाँ धरौटीमा माग गरेको थियो ।
तर सम्पत्ति सुद्धीकरणको कसुरमा भने उनलाई विशेष अदालतले थुनामै राख्ने आदेश दिएको छ । त्यस्तै भट्टसँग जिल्ला अदालतले बीमा ऐन अन्तर्गतको मुद्धामा एक करोड ५० लाख रुपैयाँ धरौटी माग गरको थियो ।
उनीहरु दुवैजनालाई सम्पत्ति शुद्धिकरणको आरोपमा विशेष अदालतले थुनामा पठाएको छ । अर्को मुद्दामा थुनामा पठाएकाले बीमा र धितोपत्र सम्बन्धी मुद्दामा धरौटी बुझाएपनि उनीहरु थुनामुक्त हुन पाउँदैनन् ।
लेखकको बारेमा
प्रतिक्रिया