काठमाडौ । राष्ट्रपति रामचन्द्र पौडेलले सहकारी सम्बन्धी अध्यादेश जारी गरेका छन् । बुधबार सरकारले सहकारी सम्बन्धी अध्यादेश जारी गर्नका लागि सरकारले सिफारिस गरेको थियो । सरकारले गरेको सिफारिसको आधारमा राष्ट्रपति पौडेलले अध्यादेश जारी गरेको हो ।
राष्ट्रपति कार्यालयका प्रवक्ता रितेशकुमार शाक्यका अनुसार संविधानको धारा ११४ को उपधारा १ बमोजिम सहकारी (पहिलो संशोधन) अध्यादेश, २०८३ जारी गरिएको हो ।
सरकारले अन्य थप चारवटा अध्यादेश पनि जारी गर्नका लागि राष्ट्रपति पौडेल समक्ष पेश गरेको थियो । तर ति अध्यादेशहरुको बारेमा भने अध्ययन जरुरी रहेकोले अध्ययनकै क्रममा रहेको छ ।
सरकारले संवैधानिक परिषद्, केही नेपाल ऐन, स्वास्थ्य विज्ञान प्रतिष्ठान, विश्वविद्यालय र सार्वजनिक पदाधिकारी पदमुक्ति सम्बन्धी अध्यादेश पनि राष्ट्रपतिसमक्ष पठाइएको थियो ।
लेखकको बारेमा
प्रतिक्रिया