काठमाडौ । चालु आर्थिक बर्षको ११ महिनामा नेपालको व्यापारघाटा १५.६७ प्रतिशतले बढेको छ । गत आर्थिक बर्षको जेठ मसान्तसम्ममा १३ खर्ब ९७ अर्ब रुपैयाँ रहेको व्यापारघाटा चालु आर्थिक बर्षको सोही अवधिमा १६ खर्ब १६ अर्ब रुपैयाँले व्यापार घाटा रहेको भन्सार विभागले जनाएको छ ।
त्यस्तै चालु आर्थिक बर्षको ११ महिनामा नेपालमा १८ खर्ब ९४ अर्ब रुपैयाँ बराबरको आयात भएको थियो भने २ खर्ब ७७ अर्ब रुपैयाँ बराबरको निर्यात भएको छ ।
भन्सार विभागका अनुसार आयातित बस्तुमा सवैभन्दा बढी डिजेल रहेको छ । चालु आर्थिक बर्षको ११ महिनामा १ खर्ब ५२ करोड रुपैयाँ बराबरको डिजेल भित्रिएको छ । त्यस्तै दोस्रो नम्बरमा भटमास तेलको कच्चा पदार्थ रहेको छ ।
यस अवधिमा १ खर्ब १९ करोड रुपैयाँ बराबरको भटमासको तेलको कच्चा पदार्थ रहेको छ । त्यसैगरी तेस्रो नम्बरमा स्पन्ज आइरन रहेको भन्सार विभागले जनाएको छ ।
विभागका अनुसार ११ महिनामा नेपालमा ५३ अर्ब ५९ करोड रुपैयाँ बराबरको स्पन्ज आइरन नेपाल भित्रिएको छ । त्यस्तै एलपी ग्याँस, स्मार्ट फोन लगायतका सामानको आयात भएको छ ।
लेखकको बारेमा
प्रतिक्रिया