काठमाडौ । अन्ततः प्रधानमन्त्री बालेन्द्र शाह दुई ठूला छिमेकीसामु झुकेका छन् । राजदुतहरुसँग छुट्टाछुट्टै नभेट्ने अडान लिएर बसेका प्रधानमन्त्री शाहले प्रधानमन्त्री बनेकाे चार महिना १२ दिनपछि सोमबार छिमेकी मुलुक भारत र चीनका राजदुतहरुसँग छ्ट्टा छ्ट्टै भेटेका हुन् ।
पछिल्लो समयमा प्रधानमन्त्री शाहको व्यापक विरोध हुन थालेपछि आर्थिक क्षेत्रका विभिन्न व्यक्तिहरुसँग भेट्दै छिमेकी राष्ट्रका राजदुतहरुसँग भेट्ने वातावरण मिलाइरहेका थिए ।
पहिले नै राजदुतहरुसँग एक्ला एक्लै भेट्दा आलोचना खेप्नुपर्ने डर भएपछि प्रधानमन्त्री शाहले विस्तारै निजी क्षेत्रका मानिसहरुसँग भेटेर उनीहरु भेट्ने चाजोपाँजो मिलाएका हुन् ।
विश्वकै शक्तिशाली देशमध्येको दुइदेश नेपालको छिमेकी मुलुकहरु हुन् । उनीहरुसँगको सम्बन्ध सुमधुर बनाउनुको विकल्प नरहेको र प्रधानमन्त्री शाहले आफूलाई सोही अनुसार तयार नगर्दा यो अवस्था आएको परराष्ट्रविद्हरुको आँकलन छ ।
राजदुतहरुलाई सामुहिक भेट गरेका शाहले पछिल्लो समयमा जनताले सोचेअनुरुप काम गर्न नसक्दा आलोचना भइरहेको छ । सोही आलोचना मथ्थर बनाउने प्रयासमा प्रधानमन्त्री शाह लागिरहेका छन् ।
भेटवार्ताका क्रममा द्विपक्षीय मित्रता, पारस्परिक हित, विकास साझेदारी तथा सहकार्यका विविध विषयमा छलफल भएको छ। भेटमा श्रीवास्तवले दुई देशबीचको आपसी सम्बन्ध र सहकार्यलाई थप सुदृढ बनाउने प्रतिबद्धता जनाए ।
प्रधानमन्त्री शाहले भारत र चिनसँगको ऐतिहासिक सम्बन्धलाई अझ प्रगाढ बनाउँदै साझा हितका क्षेत्रमा मिलेर काम गर्नुपर्ने विषयमा जोड दिए ।
लेखकको बारेमा
प्रतिक्रिया