काठमाडौं । रसुवाको टिमुरे क्षेत्रमा आएको भीषण बाढीले बैंक तथा वित्तीय संस्थाका १८ वटा शाखा कार्यालयमा पूर्ण क्षति पुर्याएको छ ।
बाढीका कारण टिमुरेमा सञ्चालनमा रहेका ९ वटा वाणिज्य बैंकका शाखा कार्यालय पूर्ण रूपमा बाढीमा विलय भएका छन् । ती शाखामा रहेका बैंकिङ संरचना तथा भौतिक सम्पत्तिमा ठूलो क्षति पुगेको छ ।
त्यस्तै, ज्योति विकास बैंकका ४ वटा शाखा, लुम्बिनी विकास बैंकका २ वटा, मुक्तिनाथ विकास बैंकको १ वटा, सांग्रिला विकास बैंकको १ वटा तथा आईसिएफसी फाइनान्सको १ वटा शाखा कार्यालयमा पनि पूर्ण क्षति भएको छ ।
नेपाल राष्ट्र बैंकका प्रवक्ता गुरु प्रसाद पौडेलका अनुसार बाढीबाट बैंक तथा वित्तीय संस्थाका कुल १८ वटा शाखा कार्यालय ध्वस्त भएका हुन् ।
बाढीका कारण शाखा कार्यालयका भवन, उपकरण तथा अन्य भौतिक संरचनामा क्षति पुगेको छ भने प्रभावित क्षेत्रमा बैंकिङ सेवा समेत प्रभावित भएको छ ।
प्राकृतिक विपद्का कारण वित्तीय संस्थाका पूर्वाधारमै ठूलो क्षति पुगेपछि प्रभावित क्षेत्रमा बैंकिङ सेवा पुनः सञ्चालन गर्न चुनौती थपिएको छ ।
लेखकको बारेमा
प्रतिक्रिया