काठमाडौं । एशियन लाइफ इन्स्योरेन्स कम्पनीमा राजीनामाको लहर चलेको छ । कम्पनीका स्वतन्त्र सञ्चालक हेमबहादुर कार्कीले मंगलबार पदबाट राजीनामा दिएका छन् ।
कम्पनीले नेपाल स्टक एक्सचेन्ज (नेप्से) मार्फत लगानीकर्तालाई दिएको जानकारी अनुसार कार्कीले कार्यव्यस्तताको कारण देखाउँदै २०८३ कात्तिक ९ गते राजीनामा दिएका हुन् । उनको राजीनामा कम्पनीको कात्तिक १० गते बिहान ८ बजे बसेको सञ्चालक समितिको २२८ औँ बैठकबाट स्वीकृत भएको हो । उनी २०८२ असारमा मात्र कम्पनीको सञ्चालकमा नियुक्त भएका थिए ।
कार्की न्यूरोडस्थित जेष्ट आइडियोलोजी बचत तथा ऋण सहकारीका अध्यक्ष समेत हुन् ।
यसअघि कम्पनीको सिइओ दिनेशलाल श्रेष्ठले पनि कार्यकाल सकिन २ वर्ष बाँकी रहदै राजीनामा दिएका थिए । बुधबारबाट कम्पनीको कार्यवहाक सिइओको जिम्मेवारी नायव प्रमुख कार्यकारी अधिकृत होम बहादुर श्रेष्ठले पाएका छन् ।
लेखकको बारेमा
प्रतिक्रिया